Ddyddiau cyn i olynydd Theresa May gael ei gadarnhau, mae Aelodau Seneddol wedi cefnogi ymgais i geisio stopio'r prif weinidog newydd rhag atal y Senedd. Yn wahanol i Jeremy Hunt, dyw Boris Johnson ddim wedi diystyru'r posibilrwydd hwnnw, er mwyn gorfodi Brexit heb gytundeb. Beth yw barn y panel? Trafodaeth hefyd ar y brotest amgylcheddol yng nghanol Caerdydd. Tynnu sylw at y newid yn yr hinsawdd oedd y nod, gan alw ar lywodraethau Cymru a Phrydain i weithredu ar frys, ond a ddylid fod wedi caniatáu y fath anhrefn yn y briddinas? Llŷr Powell, Anna Brychan ac Alan Davies sy'n ymuno â Vaughan Roderick.