S'mae... Dych chi'n gwrando ar Pigion - podlediad wythnosol Radio Cymru i'r rhai sy'n dysgu ac sydd wedi dysgu Cymraeg. Tomos Morse dw i, ac i ddechrau'r wythnos yma … DROS FRECWAST Chris Gunter ydy’r chwaraewr cyntaf yn hanes tîm pêl-droed Cymru i ennill cant o gapiau yn dilyn y gêm gyfeillgar rhwng Cymru a Mecsico wythnos diwetha. Mae cyn-golwr Cymru, Owain Fôn Williams, yn arlunydd da ac mae o wedi peintio llun arbennig i Chris i ddathlu’r achlysur. Dyma i chi Owain yn sgwrsio gydag Owain Llyr o adran chwaraeon Radio Cymru ar Dros Frecwast. Arlunydd - Artist Yn y gorffennol - In the past Digon hawdd - Easy enough Canfed - Hundredth Cais - Request Newydd sbon - Brand new Creu - To create Ei ên - His chin Sbïo - Edrych Cyfnod - a period of time SIOE SADWRN …a llongyfarchiadau mawr i Chris Gunter am ennill ei ganfed cap yn y gêm rhwng Cymru a Mecsico. Roedd hon yn gêm bwysig i Sioned Dafydd hefyd – y tro cynta iddi hi sylwebu’n fyw ar S4C ar gêm bêl-droed Cymru. Mae Sioned hefyd wedi dechrau podlediad pêl-droed newydd, Y Naw Deg, ar y cyd â chyflwynydd y Sioe Sadwrn – Rhydian Bowen Phillips. Buodd y ddau’n sgwrsio am hyn ac am gêm Mecsico ar y Sioe Sadwrn… Sylwebu’n fyw - Commentating live Ar y cyd â - Together with Cyflwynydd - Presenter Gwlad Belg - Belgium Joio mas draw - Mwynhau yn fawr Cyfres - Series Pob agwedd - All aspects Uwch Gynghrair Lloegr - English Premier League Criw cynhyrchu - Production team Hala - Anfon Ymchwil - Research GWNEUD BYWYD YN HAWS …ac enillodd Cymru’r gêm honno o un gôl i ddim a Chris Gunter yn gapten ar y tîm! Capten tîm rygbi Cymru ydy Alun Wyn Jones ac mae ei wraig, y Dr Anwen Jones, wedi sefydlu blog o’r enw The Jones Essential ar ôl iddi hi benderfynu cymryd saib gyrfa yn dilyn cyfnod mamolaeth. Dyma hi’n esbonio rhai o’r rhesymau dros gymryd y saib ar Gwneud Bywyd yn Haws… Saib gyrfa - A career break Cyfnod mamolaeth - Maternity leave Uwch ddarlithydd - Senior lecturer Gradd meistr - Masters degree Doethuriaeth - PhD Dod i ben - Come to an end Heriol - Challenging TROI’R TIR Dr Anwen Jones oedd honna’n esbonio pam ei bod hi wedi cymryd saib yn ei gyrfa. Hanes Ffion Medi a'i mam Mairwen Rees o Lanfynydd ger Llandeilo yn Sir Gaerfyrddin sydd nesa. Mae’r ddwy wedi dechrau cwmni gosod blodau o’r enw ‘Sied yr Ardd’yn ystod y cyfnod clo. Ond pwy o’r ddwy ydy’r bòs tybed? Gosod blodau - Flower arranging Fferm odro - Dairy farm Ŵyna - Lambing Cenhedlaeth - Generation Ffair Aeaf Rithiol - Virtual Winter Fair Cyfryngau cymdeithasol - Social media Torchau - Wreaths Archebu - To order Deilen - A leaf FFION EMYR Mae’n amlwg mai Mam ydy’r bòs on’d yw hi? Ar raglen Ffion Emyr nos Wener, clywon ni am briodas arbennig Celyn a’i gŵr, Owen, o Gasnewydd, ond pam bod Dr Who yn rhan o’r stori yma? Dyma Celyn yn rhoi’r hanes... Goleudy - Lighthouse Llai traddodiadol - Less traditional Casnewydd - Newport Cwympo mewn cariad - To fall in love Dw i’n cymryd - I assume Darpar ŵr - Prospective husband Dadwisgo - To undress Anhygoel - Incredible Sa i’n gwybod - Dw i ddim yn gwybod TRYSTAN AC EMMA Tardis mewn priodas yng Ngwent, pwy fasai’n meddwl on’d ife? Nid hen focs plismon fel y Tardis ydy diddordeb mawr Dai Mason ond hen geir, a buodd e’n rhestru’r holl geir sy yn ei garej mewn sgwrs gyda Trystan ac Emma. Dyma i chi flas ar y sgwrs… Y chwedegau - The sixties Llai pwerus - Less powerful Yn ddiweddar iawn - Very recently Eitha balch - Quite proud Hen dad-cu - Great grandfather Cyflwr gwael - Poor condition