Ar ôl i'r Ysgrifennydd Llywodraeth Leol, Alun Davies, gymharu cynghorwyr yn gofyn am ragor o arian gyda chymeriad Oliver Twist, dyma drafod priodoldeb ei sylwadau. Yn ôl Mr. Davies, mae angen iddyn nhw roi'r gorau i gwyno. Mae'r cynghorau, ar y llaw arall, yn rhybuddio am filoedd o ddiswyddiadau posib yn y blynyddoedd nesaf. Os na all Llywodraeth Cymru helpu, beth yw'r ateb? Mae Vaughan Roderick a'i westeion hefyd yn trafod canrif ers diwedd y Rhyfel Mawr, a beth yw'r gwersi sydd wedi'u dysgu. Huw Thomas, Aled Eirug ac Elinor Wyn Reynolds sy'n ymuno â Vaughan.