Wedi i'r BBC gyhoeddi na fydd hyd at 3.7m o bensiynwyr yn cael Trwydded Deledu am ddim o 2020 ymlaen, er mwyn arbed cannoedd o filiynau o bunnau'r flwyddyn, beth yw barn y panel? A yw hyn yn deg, fel y mae'r BBC yn ei honni, ynteu a yw'n ddyletswydd ar y BBC i barhau i gynnig y consesiwn yma i bawb dros 75 oed, fel y mae Llywodraeth Prydain yn ei ddadlau? Mae Vaughan Roderick a'i westeion hefyd yn trafod ras arweinyddiaeth y Torïaid, wrth i Boris Johnson barhau i fod ymhell ar y blaen. Rhodri ab Owen, Dr Carol Bell a'r Parchedig Aled Edwards sydd yn gwmni i Vaughan.