Wedi wythnos o anniddigrwydd ynghylch agwedd yr Arlywydd Trump tuag at ffoaduriaid, yn ogystal â dadlau am hawliau ffoaduriaid mewn gwledydd Ewropeaidd, mae Vaughan Roderick a'i westeion yn trafod a ddylai'r bobl yma gael eu croesawu, ynteu a ddylid rhoi amser caled iddyn nhw er mwyn gwneud i eraill feddwl dwywaith cyn eu dilyn. Yr ail bwnc trafod yw problem goryfed a dibyniaeth ar alcohol yng Nghymru. Mae'r Cynulliad bellach wedi pleidleisio dros osod isafswm ar bris alcohol, ond a fydd hynny'n gwneud unrhyw wahaniaeth? Dilwyn Roberts-Young, Eirlys Pritchard Jones ac Andrew Misell sy'n ymuno â Vaughan.