Ar ôl i Theresa May gael ei threchu eto yn Nhŷ'r Cyffredin, gyda mwyafrif o bedwar deg pump wedi pleidleisio'n erbyn ei strategaeth ar gyfer trafod telerau Brexit, beth nesaf? Pleidlais symbolaidd oedd hon, felly does dim gorfodaeth ar Mrs. May i newid ei strategaeth, ond dim ond chwech wythnos sydd i fynd bellach... Mae Vaughan Roderick a'i westeion hefyd yn trafod Syr Winston Churchill, ar ôl i Ganghellor yr Wrthblaid yn San Steffan ei alw'n ddihiryn. Roedd John McDonnell yn cyfeirio'n benodol at sut y deliodd Churchill gyda glowyr Tonypandy'n mynd ar streic yn 1910. Beth yw barn y panel, tybed? Dr. Elin Jones, Gwynn Angell Jones a Meg Elis sy'n ymuno â Vaughan.