Gyda Llafur a'r Ceidwadwyr yn paratoi ar gyfer cyfnod newydd o arweinyddiaeth yn y Cynulliad cyn diwedd 2018, a chyda chryn ddyfalu am ddyfodol arweinyddiaeth Plaid Cymru, mae gan Vaughan Roderick a'i westeion fwy na digon i'w drafod. Pwy ddaw yn lle Carwyn Jones ac Andrew RT Davies, ac a fydd yna ornest am swydd Leanne Wood? Trafodaeth hefyd ar ddyfodol diwydiant ynni Cymru. Wrth i'r paratoadau ar gyfer gorsaf ynni niwclear ar Ynys Môn barhau, mae Llywodraeth Prydain bellach wedi cadarnhau nad ydyn nhw'n cefnogi cynllun i ddatblygu morlyn llanw cynta'r byd ym Mae Abertawe, felly beth nesaf? Vaughan Hughes, Steffan ap Dafydd a Haf Elgar sy'n ymuno â Vaughan.